澳門有既係珠海式既生活，香港式既價錢，呢個酒色財氣既城市，睇黎都係唔係咁岩我呢頪咁悶既人，最慘就係食既野唔係咁岩胃口，而且更加無餐添，一日兩餐，廿幾蚊個飯，加杯凍飲.....!星期六，行左幾個鐘，已經畀我行晒~每日生活，不外乎，玩電話，行超市，訓覺，今個月，我諗d idd費都唔少。

其實這幾天為一D私人事自已既心情都是很差，今日沒心情上班，借固找個籍口放自己半天假，明天就要出發到澳門/珠海工作。

今日實在太悶喇，又無人搵我去街，只好留係屋企訓覺同執屋，執下自己個私家抽屜，好耐未開過個櫃，找到一本相簿，scan左幾張相睇下你地認唔認得佢。

尋晚終於畀我體現到，做新郎哥同新娘子的確係好辛苦，MASAYA，你尋晚醉成咁，我都未有時間恭喜，我就恭喜你同阿HIM白頭到老，年生貴子。

昨天是在新公司的第一天上班日，到達公司，大清早趕到六樓人事部登記入職，然後到十二樓正式上班，由於這份工的職位是draftsman，不是以前的project engineer，好多人問我點解有project eng.唔做要去做draftsman，聽起黎好似有少少降職，以前一單project你話晒事，現在卻做後勤，經第一天上班後，覺得draftsman亦是另一門專業。第一天去到department，裡面很多機器，阿head Vincent說我將會跟一單很大的project，要給我特訓一星期，他給我看看tender drawings，打開看看，單project地方佔的範圍真是太大，嚇了我一跳，這裡成team人對圖真係有一份執著，以前會諗，求其畫好咪掟出街囉，估唔到原來成個department都係做draft，而家個觀念真係要改改，原來每一個細節--顏色，線條，大小等等，都好重要。食完晏，新同事帶我去休息室逛逛，估唔到原來有咖啡室，雜誌室，桌球室，乒乓球室，健身室等等。

第二天上班，繼續特訓，Vincent竟然話我對autocad很熟識，其實一直都有用開，傾開autocad，佢忍唔住又教識我幾招。 下午食完晏，到megabox逛逛，感覺APM好好多。