今個星期無返香港，經阿業消息透路阿強手指終於要做手術，希望佢快d好番啦~~可以同老婆周圍去。

要完完全全去包容一個人原來好難，好辛苦，我做唔到，但我知道我仍然需要學習，學習收斂自己既脾氣，平息自己，反正自己都去到咁遠，希望自己可以做到。 

唉~~~

今日做到晚上九時才放工，office裡只剩下Johnny和Wallace，放工後約定Barry、佢女友Doris及阿邦去打保齡，去到球場才發現他們三位原來都是高手，只有我一個坑王，記得幾個月前到奧海城打保球，果次三個人，一同鬥低分，今次難得佢地三個都學過，向他們指教指教，終於都畀我學識左，又學識一樣野，真係好！ 

星期六返左香港睇隻衰狗，幸好無乜事，整天跟著我，星期日，姨媽又來了，飲茶時，她拿了張舊相給我們看，原來是何家大合照，見到當時幾歲大的媽媽，樣子和我細個時一模一樣，張相有我公公，婆婆(我還是第一次看到他後生時的樣子)，四位舅父，姨媽及老媽子，而拉舅父同阿姨更加未出世，我還是第一次看見他們童年的樣子，感覺到時間真的過得很快。 

呢幾個月發覺自己d耐性同脾氣愈來愈差，諗住過左黎澳門會好d啦，點知今日又差d同人鬧起上黎，晏晝既事，而家仲好激氣！

唉~~隻身黎到呢度，想搵人吐下苦水都無，真係可悲... 

尋日星期日，舅父同表弟黎澳門找我，我到碼頭接他們，原來一班遠房親戚由馬來西亞來到香港幾天然後到澳門轉機，係咩野遠房新戚?!!我都只係以前係老媽子度聽講過，原來係表外婆的子女及孫，應該都算得上係表舅父同表表姐~~就係咁樣帶佢地遊澳門遊左一整天，舅父份人一向吹牛，又話佢地係馬拉開金礦，有一隊步兵駐守，講到極之天花龍鳳，之後同老表到摩卡碰碰運氣，少少地贏左一百蚊，遊左成日，零晨才回去睡覺。

今日老媽子打唧咁搵我，問問老媽子，原來佢地講既野係真既，都係唔講唔知，原來我有咁多親戚。

好快好快又過左一個星期，咁快又十五號，每個星期尾，都要決定一次返定唔返香港，今個星期決定左唔返，原本七月一號答應左強同阿業返香港請左地食飯，點知個日就返左屋企睇狗，之後同阿強約定拉埋阿業過黎，唉~~點知佢又話要開ot，唔成功。星期六，十二點就放工，無所事事，想返香港，諗起早幾次返都屋企人影都無就卻步，想買衫，又無乜商鋪，食完飯，返去打psp。

晚上，Andy同Nicole找我打乒乓球，我都係果句，"好丫~唔怕死就黎!!"，去到一間社區中心，球台滿晒，有幾張康樂棋台，Andy撩我玩返盤，好!!放馬過來！初時佔盡上風，後來他找個機會把我隻棋子打到大後方，突然間，有幾個九至十歲死o靚仔走黎。將香港d規則搞到亂晒，哈哈！佢地個個都幫住我，又贏一局。個死o靚仔走黎撩我單挑，走黎話"我一隻棋可以贏晒你。" 原來佢地有規則係可以玩自殺，自殺一只棋，就可以打多次，唉~~佢連連續續自殺淨一隻棋，"我自殺淨呢隻，你一定打唔到！我用一步就可以贏晒你d棋!" "嗯嗯!!係咪咁勁呀!!" 佢可以連打五次，打第一次，乜都唔中，佢竟然話"我好耐無打過，未掂到棋，唔算，打多一步!"真係畀佢吹漲！佢打晒咁多次，輪都我，一步就清左佢袋，九十幾人走黎跟我隊，途中我拜左一位師父，"師父，你幫我替徙兒打啦!!!" ，就係咁樣甩身，走左同Andy, Nicole 去食McDonald，就係咁樣，之前無人既康樂棋台，都充滿晒死o靚仔！

食完飯，返去繼續打psp，阿媽打黎問我做乜唔返去，煲左湯畀你，"你又唔早一日打黎！"，上次返黎兩日又係得大佬一個人，都係自己出去小食館食炸蛋，"聽日，舅父同兩位表弟黎搵你呀！" "哦!!"。

今日星期日，今朝九點，其實我未訓醒，舅父打電話黎，"我同緯緯s(點解要加s，因為兩個)，黎搵你喇~~"................待續.....

今日到氹仔地盤看看，地盤好大，難以置信，看圖紙亦不覺，面積同東莞佛沙場差不多，香港很難找出咁大既地方。途中經過澳門機場，很冷清。

返到寫字樓，Johnny拿左份csd叫我執，阿Mon很細心走黎教路，講解得很清悉，他說Johnny叫我執其實有原因，想我學習，想我嘗試，減輕他的負擔，係度學習真係可以好專心，因為放工無乜節目，沒有了一種歸心似射的感覺。

這個星期六日沒有回香港，原因都係因為自己姑寒，留係澳門，同Andy約埋地膽Nicole帶我們行下澳門，原來澳門好多購物中心都係地庫，不過都係賣女人野-.-。

今日德哥又打黎，問我係度做得慣唔慣，唔慣既話就過去佢公司做，其實未離開香港之前他都同我傾過，想我過去佢公司做，可惜他差了一步，我只好說我做得唔好既時候就會找他，唔知點解以前舊公司個個都好憎佢，我反而會同佢好傾，佢個大名其實係新鴻基已經出晒名，出晒名煩。

今日叫家姐send左幾張相黎，睇下隻衰狗點先。

好多野都好難同個天鬥，自己都唔知點去解決，好頭痛，自己會成日諗，如果無咁既事發生...不過唔發生都發生左。

其實過到黎既心情的確唔係咁開心，寄望過黎可能會好d，我喜歡呢種嘗試，人一世唔試多d野又點得呢，而且亦可以說是一種體驗!!

 

究竟我呢個決定係咪對呢?!究竟我應唔應該做到咁絕呢??!!係唔係無顧人感受呢?!!好多個問號係度浮現....但係如果個決定係錯既時候就返唔到轉頭，唔諗咁多，都係訓覺。

大佬send左張相畀我，miumiu剛睇完醫生，尋日上左珠海，去新office，睇見就真係頭痕。

早幾日舊PM打畀我，話我走左佢地頂唔順，想我幫手接freelance黎做，悶悶地都幾好。