HT 的个人资料細孖照片日志列表更多  |  工具 帮助 |
|
8月26日 電腦節今個weekend，有兩件大事要做，第一，就係要睇赤壁，終於睇完，雖然係上集，不過真係好睇，有人話金成武飾孔明唔好，其實我覺得都唔差，當時孔明都係二十幾歲，反而梁朝偉飾周郎就真係唔係太合適，可能周郎係我心目中既形象唔係咁，文武雙全，期待下集。第二件事，就係要到電腦節，不過其實都幾失望，無乜特別，主要都係d lcd電視，notebook，portable harddisk，sd card，flash drive，同router等等，又無乜特別平，無乜新意，無乜特別驚喜既科技，反而最驚喜就係碰到barry，太耐無見，佢依然笑容滿臉，行左一陣，買左隻4g手指，一條notebook ram，無乜收獲。 8月18日 又過了一個WEEKEND 星期六總是沒有興緻工作的，今個星期亦不例外，其實很多事情要做，不過算啦，星期一返工繼續。WEEKEND，放工，沒事幹，拿電話到高仕德維修維修，唔使花錢整番好，今次是第二次到來，好彩有阿DEE陪，感激感激！電話終於整好，做我D電子PRODUCT真係慘，電腦又壞，PSP又壞，電話又壞，相機亦早就壞左，真係辛苦佢地。好！整完，返香港。回家，兩隻狗唔知點解咁鬼死惡，好！算數，打PS3，三國無双，又過一日。第二日，去修修頭髮，約左CANDY去屯門，出銅鑼灣食沙爹王，好耐無食過，讀書時期經常去食，白咖喱猪扒反，正！乘西鐵到屯門，好久也沒去過這極北之地，很好很好，無無聊聊行左一日，回家。回到家中，對住一部壞左既電腦，唉～～無柰，唔理佢住，用部MAC機上下網算數。 8月11日 中國奧運熱今日早上起身床，老媽子說：“老豆話去流浮山行，一齊去。““嗯！好丫！“，過了一會，致電給老豆，“細佬話要去流浮山“，真無奈… 花左一小時多時間去到流浮山，所有鋪頭關晒… 見到條橋終於建好，不如過去行下，就係咁，就過左深圳灣口岸。 過左關，去到香蜜湖，到去一間餐室坐坐，有電視睇，女子柔道，全場在看中國拿了金牌，大家都很開心，很好氣氛。然後，因沒有人仔，乘地鐵到羅湖，在地鐵車廂中，電視在直播男子舉重，所有人都在看，大家叫好。好，到羅湖兌錢完畢，乘巴士到市區遊玩，在車廂中亦有現場直播，個巴士司機簡直離晒大鋪，一到紅燈就離開司機位走黎睇奧運，超搞笑，除中，經過一個廣場大電視直播，很多人坐到地上看，晚上，到了一所飯店吃飯，直播籃球中國對美國，發覺個個都唔係食野，係度睇野，個女侍應見到中國隊一失分，“哎～～“，入波就笑晒，周圍氣氛都好強烈。吃過晚飯，都晚上十二時了，乘車到皇崗口岸過關，乘車到旺角，到彌敦道，看見火災的大厦，滿地金銀衣紙… 8月10日 200808082008年8月8日8時，中國奧運開幕，對我來說，坦白說，我民族意識不強，沒有甚麼特別，為了在奧運獲得一面金牌，浪費了多少人的青春，當我們在電視看見一位健兒拿了金牌，有多少人會在想他們背後花了多少年時間，失去多少東西才會有今日。看電視，"菲比斯，好寸呀，好不可一世呀!!"，佢寸得起，因為佢亦曾經刻苦努力過。以前喜歡看李寧，今日看見他點聖火，覺得時間不等人。
2008年8月8日，人渣生日，我作為老友連一個電話，一個恭賀說話都無，不過我們這幾個，太熟了，都總是心照不宣。
話說回來，我好像還欠兩人的生日禮物，應該都差左成三個月，一向，諗送咩禮物都總是我一大難題，真係頭都痛。
又諗諗，好似又欠左另外一個人，一餐飯，欠左成幾年，不過遲D先，遲D如果我學識造飯，我會親自下廚給你，哈哈！ |
|
|
