中秋佳節，人月倆團圓，今是卻是我和它分離的日子。今天的我心情特別悲痛。這兩天回香港和家人渡過，和老狗狗和年青狗狗渡過，與大佬二姐買了兩套DVD到新居煲碟，期待已久的一球成名二感覺卻不比第一集理想。回來第二天竟有最心痛的事情發生， 一直陪伴我到澳門工作的PSP竟從我手上跌破，心痛不是錢的問題，而是少了這位好朋友，救治無效。晚上，整晚到旺角機鋪玩鬥地主，由一級升至六級，看來我上癮了。

祝中秋節快樂~

昨晚，一電話打來，是誰?!!原來係阿業， 他問我昨天的昨天是甚麼日子，我左諗諗右諗諗，唔知!!死伙！原來係老友生日，近排太忙，朝八晚十，一時忘記，估唔到咁快又一年....呢一年真係太多事情發生，極艱苦的一年...

無無聊聊，又影左兩張相，一張係晚黑，一個人遊蕩時照的;另一張就是每朝的苦況，一輛巴士究竟可以容納多少人呢??!澳門同香港有d唔同，澳門人空間會比香港人利用得更好。

今天星期日，現在三點，返到office，相信要做到七點先走得.....真係蝕！

星期二就中秋，看來今日要到中旅社買定船飛返香港過中秋了。

今個星期，日日都唔夠訓，壓力大到不得了，快逹至放棄狀態，士氣全無。晚上，ot時間，barry, jake和我到後樓梯吐吐苦水，所來不只有我有這種情況。唉~~仲話係上市公司，形象全無！好!!收工，一同到kfc食飯，  咦！果個咪alan同macus，大家一齊傾下偈，alan叫macus拿出一部載滿相的psp出來，毒害我們入攝影會，真係差d抵受唔住，影得真係好靚。雖然全日都活在壓力之中，但是晚上都是愉快。

 今日有新同事加入，可能因為都係同一階層，所以大家都好雀躍，除左andy。今日終放有月餅食。

----------

越黎越唔想做，唉~~~

今個WEEKEND返香港，返香港既原因是澳門太悶，一支公，太掛住香港，尤其是隻狗，乘夜航回港，一個人到KFC吃個晚飯，用了三小時時間才回到家。 

今天，到新居看看，大佬搬到新居，老豆、老媽子、大孖和我，打打麻雀，小狗在我大髀上熟睡，此刻確實不想回澳門，晚上，約了阿MING吃飯，很飽，飽到想嘔，明天一早，還是要回去。

而家仲係九月十三，不過今個係度諗九月十四呢個日子好熟悉，係咩日子呢！諗爆頭都記唔起，算啦！唔諗，諗諗下又記得番，係肥雞生日，相隔咁遠都無得同佢慶祝，算吧啦~~

-----------------------------------------------

成日都會諗，點解條街會有咁多人行黎行去??!!

今天看見Tim Wellings手部受傷，原來係星期六黑沙海灘既RUGBY賽落敗，賽事終由Peter Maguiry勝出，外國人就是這麼輕鬆，如果香港人可做到呢點就真係好！

 點解日日咁早訓都可以咁眼訓，好怕日日都係做埋同一樣既野，朝朝如是，晚晚如是，日日如是，月月如是，年年如是，究竟咁樣又算唔算係過左一日呢?!?!還是嘥左一日呢??!

 今天看到篇新聞，內容提及一名前校長打籃球時昏迷，現在命危，我看到時覺得很突然，很不安。

 

~~ 校長，希望你能平安無事~~

 

學生會給你禱告

 

--------------------------

人就係咁簡單......每一個人對社會既價值不同，所以出發點不同，但是，去到最後，始終都是向著同一條路進發，到那時，漸漸發覺，其實，又何必要你爭我奪，又何須計較得與失，又何須會有敵人的存在。(一個很典型水瓶座人的看法)

 星期日，一個人回到office，繼續工作，繼續做一些做不完的工作，想起工作地點很快便要搬，即慶拿起我的舊舊的新力愛立信手機周圍拍照留念，或作為一個生活寫照。

asrfgoinowjrahqmtcbkininirwgnojrkzxabdmdoomfqmnhbutwrhdaetcuzxabhhwklgcismrzxabahsmkvpdqihqizxabhqidbuoymrzxachoavnoenekbqihqinnzxacoinowjrahqmtcbylnciknfnnyymrohqjllnpqmbmbllwrmglnhdaetcuzxabnlytavpdmgmmunnmmkzxabtmmcjwjchqioansudbuyryiammoqdnnzxaboamwlooofhybogninizxaboinmkvfhwphbutytwijdinnyrtkrymmrzxaboinmkmgmmuhoamihoavanmtpzxaboamamyoylnamyoasjeooahphapimmkzxabmglnnnasjehoviehqircnovpdrogmhapimowjryrtkrymmrzxaboamhqimglnmgbuuklgdbuoymrylncmf ibppojrkhoamimglnzxadbbkeoanzxabhqiokronfoanhbutmglnhapizxabyrqmbmfmwvnbshqmrsqfzxadmnribppettmvnioogaimvuoyfikuohvfrtmywjvrqytzxad

今日畀楊生整到我成九點半先放得工，又無ot，真係蝕，放工就去打籃球。

黎到澳門咁耐，終於有返d健康活動，之前就話搵andy同nicole打乒乓球，但係球都未打nicole又走，走去留學，好彩而家搵到andy、adriano同miki走去打籃球，打左幾個鐘，真係成身散晒，自從上兩個星期之後就好耐無打過，可以走下都幾好，既免費又好玩，不過最鍾意都係踼波同游水。

自從黎左澳門之後少左伊小姐呢隻麻雀腳，好左原來澳門都有。

自從黎左澳門三個月都無打過畀我，今日終於肯搵我，不過.... 

近排n姐姐想我轉型做safety，睇黎都幾有決心，近排好多人問我同樣既問題，"你有冇打算轉做safety啫??"，其實呢個問題好難答，兩方面都有做開，工程有工程好，safety又有safety好，其實除左讀過ss同OHSA及有個急救證之外，自己仲可以簽到架紙(form 5)，又做到訊號員，好多人都唔知，其實一個好既safety management，真係可以幫到好多人，但係香港一般既公司，太失望，都係走錯左方向，只是怕公司抵足了甚麼法例，有錢人最怕官非，但係又唔會使錢做好個safety.....比著幾年前既我，我應該會仔細考慮，而家只會覺得，做咩都無所謂，只要過的好。 

-----------------

剛剛在電腦中找到一些工程及澳門相片，順道upload上黎分享一下。

有幾張是東莞precade facade yard裡既相，一有塊叫GBP，其他都係外墻模件。

有一些是澳門工作時既照片，大三巴，旅遊塔等等。

另外有一張係數碼港影去南丫島既相。

有一張藍色既係樓面飛鐵模，裝thermostat時照。

 

 九月一日，同事生日，而家早上六點三十分，仲好眼訓，黎到澳門都無真真正正都玩過，每天都是工作和工作，很多人以為，到了澳門就只有花天酒地，很可惜，花天酒地的生活並不適合我，剛同一班同事到寫字樓附近酒吧唱k慶祝，乘機去玩下，而家其實又ring又眼訓，係公司訓覺，好耐都未試過一大班人去唱k，希望大家都盡興，以往都係兩個人去，各有各好。上星期農曆7月14同事約我打藍球，我想好幾年沒有拿起籃球，好想約人打籃球，又好想踼波及游水，早幾個星期，係尖沙咀下船返港，經過九龍公園，真係有個衝動一個人走去游水，應該會很正。今日星期六，其實都很忙，我想我晚上才會返香港返家，探下隻狗，佢應該好掛住我卦，應該係啦，反正一早已買了船票，死啦！又好想打麻雀，不過還是要忍耐忍耐。

-------------------------------------------------------------------------------------------

我相信，每個人心目中都會有一份悲哀，到最後時間亦會給人一個最佳都答案，到時，可能你已覺得這個答案已經並不重要。